من طرف 
ياترى عيونك
فاكرانى ولا تاهت عن طريقى
ولا قيت سكه تانيه تنسيك حبى وحنينى
...؟!!!
ياترى لسه قلبك معايا
ونفسك تكمل عمرك وايايا
ولا تعبت من
طول البُعد والغياب
وجه الوقت اللى تنسانى فيه مع الايام...؟!!!
ياترى
لسه مستعد تضحى علشانى وتكمل المشوار
ولا مش قادر تتحمل تانى وتقول لحد كده خلاص
كفايه
وبإيديك تنزل ستاره النهايه...؟!!!
قولنا زمان مستحيل البعد بنا
يكون
ودلوقت بنسأل إزاى نهايتنا هتكون..؟!!!
لو لسه بتحبى ...ساعدنى نرجع
احساسنا اللى بيضيع مننا
وننسى غلطات بعضنا...وننقذ اللى فاضل من حبنا
ومش
نفكر إزاى نهايتها هتكون لانها قدر ونصيب مكتوبلنا
مش ترجع وتسال
ياترى
ايه فالنهايه
عايشين وايا بعض
ولا هتجى النهايه واحنا بنجرح فى بعض
ونقول
كلمه كفايه
والكلمه ديه معانها البُعد
