لوكاندة الأعضاء

لوكاندة الأعضاء







شوفوا يا جماعه
النهارده معانا موضوع جديد جدا وفكره روعه
الموضوع دا بجد جميل وجديد



فكرة الموضوع بقه هي لوكاندة للأعضاء وهي لوكانده هيكون فيها كل الأعضاء ضيوف وهتحصل مواقف كوميديه بينهم علي هيئة حلقات
خليني ما أطولش عليكم وندخل في المفيد





هنبدأ مع :


مدير الوكانده : admin


الريسبشن :sara goda

حارس الأمن : TITANIC


اللي بيجيب الزباين من المحطه :mando

لزبونه :Sendrla






ومن هنا بدأ الحوار ا






الحلقة الأولي
الزبونه الجديدة







mando: واقف مستني قطر الساعة واحده ونص لما يوصل
mando : لوكانده السعاده أجدع لوكانده
لوكانده السعاده يعني أحلي قعده
لوكانده السعاده يعني لوعايز تتخمد بسلام
لوكانده السعاده...................وفجأ ه
sendrla : إنت ياللي بتنده تعالي هنا
mando : أنا يا مدام؟
sendrla: مدام؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
إنت إنتصيت في نظرك أنا مد..
mando : خلاص خلاص إيه الراديو دا مش إنتي
كل الموضوع إني كنت عايز أعرف حاجه وخلاص عرفتها هههههههه
sendrla : نعم بتقول حاجه
mando : لا أبدا بكلم نفسي
sendrla : طيب أنا عايزه سكن في الوكانده اللي صدعتني بيها
mando : أيوه جااااااااااااااااااااااااااي فين الشنط
sendrla: أهه وقف تاكسي وشيل
mando: يا لهوي يا جدعان جه الوقت اللي أحمد باشا فيه يشيل الشنط يا خرابي
وراح مطلع السيجارة المارلبورو من فوق ودانه والولاعه المفتخره
sendrla: مش دا شغلك
mando بصلها وعدل وشه وبص لشيال المحطه :خد تعالي ياله شيل الشنط دي عبال ما نلاقي تاكسي
sendrla: عجايب
mando : يلا يا ست الكتكوته عشان خنقتيني









ووقف تاكسي ووصل الوكاندة وعند الأستقبال وقفهم ساجي 2000حارس الأمن





titanic : وقف عندك منك ليها إيه هي لوكانده من غير بواب
mando يقول ل titanic : زبونه سقع إيدك عالسبيك
titanic: طب إنصرف إنت و إتصرف مع المدير
mando ل sendrla: دا أنت هتشوفي العجب أشوف وشك بخير سلام
titanic : أهلا بالزبونه الجديده
sendrla : أهلا وسهلا
titanic: يلا بقي علشان إختبارات الأمن والسلامه و الحوادث والكشف الطبي
sendrla : نعم
titainc: أعلي صوتي
seindrla : يعني إيه ؟؟؟؟؟؟؟؟ بص ريح نفسك وأندهلي المدير
titanic: أمال داخله لوكانده إزاي واضح إن دي أول مره ليكي
seindrla : إندهلي المديييييييييييييييييييييييييي يييييير
titainc: خلاااااااااااااااااااااااااااا اااااااااااص الله يلا يا عسل عالسوبرشن
seindrla: سوبرشن؟؟؟؟؟؟؟؟؟؟
titanic بصوت واطي : جهل بعيد عن الناس
seindrla : مش هنخلص
titanic: لألسه فاضل جهاز كشف الكدب
sendrlaبعصبيه : خلص
titanic: طيب








وعند الريسبشن









sara goda ل titanic : صباح الخير يا عسل
sara goda: لخص يا إشطه
titanic: معايا زبونه
sara goda: إصطبحنا وإصطبح الملك لله
sara godaل seindrla: صباح الخير لو سمحتي عاوزه أوضه
sara godaمشغوله في أوراق : لا والله مش موجوده نقولها مين
sendrla: إيه اللي مين أنا عايزه أوضه
sara goda: أأأأأأأأأأأأأأه طيب - وجابت دفتر:
إسمك وسنك وعنوانك ورقم تليفون البيت والموبايل ورقم بطاقه التموين و إسم عمك ورقم تليفون جوز خالتك
sendrla : إيه ده هو أنا داخله أمن دوله
sara goda : بتهزري؟ أهم يا حبيبتي إنتي داخله لوكانننننننننننننده
sendrla: أه واضح إني مش هخلص فين المدير
sara godaرمت الدفتر علي جنب : المدير الذي طلبتي غير موجود بالخدمه حاولي في وقت لاحق
sendrla: بقي كده طيب








وإشتغلوا مع بعض زعيق وخناق والذي منه







titaincدخل لقيهم كده راح داخل ل admin اللي كان مشغول في التليفون

admin في التليفون : لالالالالا إنتي مش فاهماني أصلا أنا كده كده مكنتش رايح الفرح ده
titanic: يا سياده المدير
adminبصله وكمل في التليفون : تورته ؟؟؟ تورته إيه
titanic: سيادتك
admin: علي فستان العروسه ؟؟ يا نهار أبيض دا أنا فاتني نص عمري
titanic: يا فندم
admin: ودي هتغير الفستان إزاي أكيد نضفوه وخلاص
titanic: عمييييييييييييييييييييييي
admin : دي بجد حاجه تكسف كويس إني مرحتش
titanic جاب أخره : إنت يالي بتقبضنا
admin: خلاص سلام دلوقتي -- وراح خابط السماعه
adminل titanic: عايز إيه
titaanic: ولا حاجه
admin: نعم ولا حاجه
titanic: أصلي مش عارف أجبهالك إزاي
admin : هاتهالي ملفوفه لخص
titanic: الريسبشن
admin: ماله
titanic: بص أنا هواجهك واللي يحصل يحصل تعالي معايا
admin: يادي النيله تعالي معايا







وفي الريسبشن







seindrla لsara goda : هوريكي
sara goda : هتشوفي
admin: إيه اللي بيحصل ده
sara goda: دي هيه اللي.......
seindrla: لأ إنتي
admin : خلاص خلاص
seindrlaعلي الأخر : إنت المدير
admin : أيوه هدي نفسك خدها يا ساجى طلعها أوضه 27
titanic: والله انا غلطان يا عم بشتغل لناس مبتقدرش خلاص يا عم انامش شغال
admin : وبعدين
titanic أمري لله








وبعد الوضع ما إترستق وكله بقى تمام وبالليل

صريخ عالي جدامن أوضه 27 : أأأأأأأأأأأأأأأأأأأأأأأأأأأأأأ أأأأأأأأأأأأأأأأأأأأ أأأأأأأأأأأأأأأأأأأأأأأأأأه



وووووووووووووووووووووووووووووو و
ونكمل الحلقه الجايه










في الحلقه القادمه
حرامي في الوكانده؟؟؟؟

[center]

بالإضافه لأعضائنا الجمال في الحلقه الأولي
معانا النهارده
عطر الندى صاحبة sendrla
المقدم : احمد ماهر



الحلقة الثانية " حرامي في الوكانده "



داخل حجره 27


الطقس اليوم بارد شديد البروده والعواصف تزمجر بالخارج وتلاطم أوراق
الأشجار فنسمع حفيفا أنينا خافتا . أنينا يشكو غضب الطبيعه دقات خفيفه تدق
النافذه المغلقه دقات يعلو ضجيجها وتعلو معها دقات قلب sendrla الصغيره
فنراها تتململ في فراشها و كأن يد الطبيعه قد إخترقت نافذه حجرتها لتوقظها
كما أيقظت الليل من سباته.
الظلام يملأ الحجره المغلقه تزداد الدقات
علي النافذه وضوحا فحاولت sendrla أن تهب من فراشها ولكن رأسها ثقيل
وقدميها أثقل فحاولت أن تبدد الخوف فتذكرت ليله أمس




mando : يلا يا ست الكتكوته عشان خنقتيني
titanic : لألسه فاضل جهاز كشف الكدب
sara goda : المدير الذي طلبتي غير موجود بالخدمه حاولي في وقت لاحق


وفجأه تحجرت عيناها في الظلام لقد إزدادت الدقات ولكن ليس علي النافذه ولكن داخل الحجره


أأأأأأأأأأأأأأأأأأأأأأأأأأأأأأ أأأأأأأأأأأأأأأأأأأأ أأأاأأأأأأأأأأأأأه



الريسبشن



sara goda في حجرتها في ثبات عميييييييييييييييييييييييييييق وفجأه رن جرس
التليفون بحراره وsara goda نايمه ويرن وهي نايمه ويرن ولسه نايه
إنت يا ست الكتكوته ولسه نايمه
إصحييييييييييييييييييييييييييي ييييي خلاص صحيت
وردت علي التليفون ومعاها sendrla
sendrla:إلحقونيييييييييييييي
sara goda: نامي يا حبيبتي الساعه 4 الفجر
sendrla: الحقونيييييييييييييييييييييييي يييييييييييييييييييي يييييييييييييييييييييييييييي
sara goda : طيب طيب هندهلك titanic


و في مكان الحراسه



titanic تعباااااااااااان ونايم "حراسه موديرن" من اللي بيعمله في الزباين يا سلام ملاك يا أخواتي
sara goda : titanic إصحي
titanic نايم
sara goda: إصحي يا نايم وحد الدايم رمضان كريم
titanic : أنااااااااااااااا خخخخخخخخخخخخخخخخخخخخخخخ
sara goda: يا عم إصحي شوف الزبونه الجديده
titanic : خخخخخخخخخخخخخ
sara goda" قلبت مره واحده " : ما تصحي يا روح خالتك هو أنا فاضيالك
titanic "إتفزع " : أعوذ بالله عايزه إيه
sara goda: الزبونه الجديده بتصرخ في التليفون واضح إن عندها حرامي في الأوضه
titanic : حرامي ؟؟؟؟؟؟ إنت قولتي حرامي جبتي سيره حرامي ما إتخلقش الحرامي اللي يعملها
sara goda : طب ورينا


titanic أخد ديله في سنانه ودخل أوضته وجاب البندقيه اللي من أيام الهكسوس وطلع علي الوكانده علي طول


وsara goda داخله تكمل نوم "هاااااااااااااااااااااااااااا ااو" لقيت mando جاي من سهرته اللي علي القهوه بيغني


mando: من حق الكبير يدلع من حق الكبييييييييييييير إدلع يا بابا إدلع حوليك الصحاب تتجمع ليلي ليل ليلي ليل
sara goda : أهلا باللي بيجيب الزباين مش عارفه من غيرك كنا هنشتغل إزاي
mando: يا دي النيله طيريلي الدماغ اللي عاملها
sara goda: متعرفش اللي حصل
mando : وهعرف إزاي يا ست الأموره
sara goda: أصل واضح كده والله أعلم إن في حرامي في الوكانده
mando : طب الحمد لله وعملتوا معاه الواجب
sara goda: واجب إيه هو إحنا في مدرسه
mando : أما إحنا فين ؟؟؟؟؟ هو أنا تهت ولا إيه؟؟؟؟؟؟
sara goda: لا دا إنت فايق تصبح علي خير
mando : طيب

[size=24] تابع باقى الحلقه

وفي الوكانده



[/size]titanic بيكلم نفسه : حرامي وأنا موجود دي مصيبه كارثه فضيحه


قابل sendrla علي السلم نازله جري


titanic : فين هو خليني أشرب من دمه
sendrla : فوق فوق
titanic : جايلك يا إبن الحراميه ها مين هناك


sendrla واقفه مرتبكه مش عارفه تعمل إيه إتصلت بصاحبتها عطر الندى علي الموبايل اللي عايشه في القاهره


sendrla : ألو عطر الندى إلحقينيييييييييييييييي
عطر الندى : فيه إيه يا sendrla ألأتيني
sendrla : تعاليلي بسرعه


وعطتها عنوان الوكانده فجت بسرعه البرق وبعد البوس و الأحضان والذي منه


sendrla : إنت نفدتي إزاي من علي الباب
عطر الندى : عادي
sendrla : أه صحيح دا اللي إسمه titanic فوق
عطر الندى : titanic ؟؟؟؟؟؟؟؟ ودا يطلع مين دا كمان
sendrla : أنا هحكيلك كل حاجه تعالي


وأعدوا في الريسبشن حكتلها كل حاجه وهي بتبكي


sendrla : أأأأأأأأأأأأأأأأه يا مامي
عطر الندى : بس بقي ما تبكنيش معاكي
sendrla : أصلك مشفتيش اللي أنا شفته
عطر الندى : أكيد مع الوقت هتنسي شكله بس إنت غلطانه معقول تيجي هنا ومتجيش بيت صاحبتك؟؟
sendrla : محبتش أتقل عليكم
عطر الندى : لأ غلطانه


titanic حاطط الجلبيه في بقه نازل جري عطر الندى وsendrla طاروا عليه


titanic : مجاش هنا ؟؟؟؟؟؟؟؟؟؟
sendrla : لأ إنت مشفتوش؟؟؟؟؟
titanic: خلع قبل ما أجي
عطر الندى : دي فوضه دا تسيب فين المدير
titanic: يادي admin اللي فلقتوا دماغنا بيه
عطر الندى : المديييييييييييييييييييييييييي ييييير
titanic: طب إستني


titanicغاب لحظات "ساعه مثلا " ورجع ومعاه admin "مشرفنا الغالي هههههه"


admin : أنا هتصرف ما تقلقوش
عطر الندى : تتصرف إزاي لازم تتصل بالبوليس
admin : بوليس؟؟؟؟؟؟؟؟؟ وبص titanic: ماتتصرف ياعم titanicولا فالح بس في اللماضه


ودخل عليهم mandoبيغني


mando: من حق الكبير يدلع من حق الكببببببببببب سياده المدير ؟؟؟؟؟؟ بص
أنا هعترف بكل حاجه والله ما لقيت زبون واحد في قطر الساعه 2 بالليل فقولت
أريح علي قهوه ألعبلي عشرتين طاوله ولقيت هناك ناس حريفه فسرقني الوقت و
إتأخرت
admin : ودا وقته هو انا ناقصك إنت كمان مش كفايه المصيبه دي
mando : طب تمام محدش عايز مني حاجه لأ طب سلام من حق الكبير يدلع
ل admin : ودا وقته هو انا ناقصك إنت كمان مش كفايه المصيبه دي
عطر الندى: لازم تتصل بالبوليس
admin: حاضر أمري لله


وإتصلadmin : ودا وقته هو انا ناقصك إنت كمان مش كفايه المصيبه دي
بالقسم وعمل بلاغ فجت عربيه البوليس وفيها سياده المقدم احمد ماهر

احمد ماهر : صباح الخير
admin : أهلا سياده المقدم فينك من بدري
احمد ماهر: كنت بشرب الشاي بتاعي في القسم علشان أخدم الناس و أنا فايق فين المجرم ؟
عطر الندى : أمال إحنا جايبينك ليه؟؟؟؟؟؟؟؟؟؟
احمد ماهر : أه صحيح فين صاحب البلاغ عايزين نشتغل أنا فايق
sendrla: أنا يا حضره الظابط
احمد ماهر : إنتي طب إحكيلي علي كل حاجه من طقطق لسلام عليكم
titanic: وعليكم السلام ورحمه الله وبركاته إزيك يا باشا بس أحب أقولك
ما تتعبش نفسك أنا دورت أبلك 100 مليون مره ومالقتش حاجه فص ملح وداب


mandoداخل زي العاده ومعاه زبون سقع "خليه المره الجايه" وبيغني برضه


mando : من حق الكبير يدلع
أنا يا حضره الظابط
احمد ماهر : إنت تعالي هنا إفتح بقك
mando: أه والنبي أصل ضرس العقل تاعبني جامد وحياه أبوك شيلهولي
أنا يا حضره الظابط
احمد ماهر : أشيلهولك دا إيه إمشي
mando: أمشي ولا أقف إيه وجع الألب ده
أنا يا حضره الظابط
احمد ماهر : خلاص إمشي هبوسك علي رجلك يعني علشان تمشي
mando: لأ مش لازم أنا ماشي وخلاص من حق الكبير تعالي يا زبون
أنا يا حضره الظابط
احمد ماهر ل sendrla: إحكيلي علي كل حاجه كل التفاصيل كل حاجه
sendrla:كبير كبير أوي
عطر الندى : يا عيني

احمد ماهر: طويل وعريض يعني
sendrla: أوي أوي

احمد ماهر : هوه وشفتيه الساعه كام
sendrla: مش فاكره


وبكت جدا وإترمت في حضن عطر الندى بتبكي


احمد ماهر : أه طب إديني مواصفاته
sendrla: كبير أوي أوي

احمد ماهر : أه وإيه كمان
sendrla: وراسه كبيره

احمد ماهر : كملي
sendrla : ولونه رمادي

احمد ماهر : رمادي ؟؟؟؟؟؟ أه أصدك لابس متخفي أوكي و إيه كمان
sendrla : وديله طويييييييييييييييييييييييل

احمد ماهر : ديله طويل؟؟؟؟؟؟؟؟؟؟؟؟؟؟؟؟؟ إنتي بتتكلمي عن مين؟؟؟؟؟؟؟؟؟؟؟؟
sendrla












الفار



أشوفكم الحلقه الجايه سلام



في الحلقه القادمه
"نجم الكره الكبير"